जितभन्दा पनि पाएको ‘एक्सपोजर’लाई ठूलो मानेका छौ
देशकै ठूलो मोबाइल एप्स क्याम्प प्रतियोगिता ‘एनसेल मोबाइल क्याम्प’मा ४ विषयगत विधामा १५ समूहले प्रतिष्प्रधा गरिरहेका छन्। तीनै समूहमध्ये काठमान्डौ ईन्जिनरिङ कलेजका विधार्थीहरूको एक समूह जसको नाम ‘बिसिटियन्स’ हो र उनीहरूले कलेज, विधार्थी र त्यहाँ पढाउने शिक्षकका लागि उपयोगी हुने ‘रूटिन एप’ बनाइरहेका छन्।
आफ्नो सोही ‘रुटिन एप’को बारेमा सो समूहकी टिम लिडर मनिषा पन्त र सदस्य दिपक अधिकारीले आफ्ना एपको बारेमा कुरा गरे। टिममा यी दुईका अलावा छितिज तिवारी, अस्मिता मिश्र र आयूस महर्जन रहेका छन्। मनिषाले बताएअनुसार ‘रूटिन एप’को सोच उनीहरूको आफ्नै समस्या भोगाइको उपज हो। उनले भनिन्, ‘ यो सोच हाम्रो आफ्नै समस्याको भोगाइबाट निक्लेको हो। कलेजको क्लास, प्रयाक्टिकल क्लास अनि हुन क्लास कुन कोठामा हुने हो त्यो हेर्न सधै नोटिस बोर्ड धाइरहनुपर्ने। कतिपय समयमा नोटिस बोर्डमा पुग्दा नोटिस नै नहुने जसका कारणले भोलिपल्टको क्लास के हो भन्नेमा अन्योल हुने। फेरि नोटिस हेर्न बारम्बार गइरहनुपर्ने झन्झट। यी कुराहरू एप्समा नै भए भने धेरै सजिलो हुन्छ भन्ने लागेपछि यसको विकास भएको हो।’
झन्झटबाट मुक्ती दिने ‘रूटिन एप’को विशेषता के हो त? यसको जवाफ दिदैं दिपकले बताए, ‘यो एप विशेष गरी कलेजका विधार्थी र शिक्षकका लागि उपयोगी छ। विधार्थीहरूले रूटिनलगायतका विविध सूचनाका लागि नोटिस बोर्डसम्म गइरहनुपर्ने झन्झट बेहोर्नु परेन। विधार्थीले मोबाइलमा ने रियल टाइम सूचना पाउने भए। विधार्थी र कलेजबीचमा रहेको सूचना आदानप्रदानको खाडललाई पुर्ने काम यसले गर्ने भयो।’‘अनि यसको अर्को विशेषता भनेको’ भन्दै मनिषा थप्छिन्, ‘कलेजमा सबै क्लासहरु एउटै कोठामा हुँदैनन। विषयपिच्छे कोठाहरू चेन्ज हुनछन्। यसले क्लास कुन कोठामा हुन्छ भन्ने बारेमा पनि जानकारी दिन्छ।
विधार्थी र शिक्षकका लागि उपयोगी रहेको यो एप्सले कलेजलाईचाँहि कसरी फाइदाजनक छ त? भन्ने प्रश्नमा उनले यसो भनिन्,‘कलेजले केही पैसा तिरेर हाम्रो एप्स ‘सस्क्राइब’ गरेपछि उनीहरुले एउटा ड्यासबोर्ड पाँउछन् जहाँबाट उनीहरूले आफ्नो विभिन्न सूचनाहरू अपलोड गर्न सक्छन् जुन आफै एप्समा अपडेट हुन्छ र विधार्थीहरुले पाँउछन्। यसबाट कलेजको ‘पेपर वर्क’ र फोन गरेर प्रत्येक विधार्थीलाई सम्पर्क गरिरहनुपर्ने लामो प्रक्रियाबाट मुक्ति पाँउछन जसले उनीहरूलो खर्चलाई घटाउने काम गर्दछ।’
त्यस्तै उनीहरू एनसेल यस्तो प्लेटफर्म उपलब्ध गराएकोमा उनीहरूले आफूमा थप उर्जा बढेको अनुभव पनि गरेका छन्। यसले उनीहरू जस्ता नयाँ डेभलपर तथा डिजाइनरहरूलाई सिप निखार्ने मौका प्रदान गरेको उनीहरूको कथन छ। उनीहरूले सेमिनारहरूबाट आफूहरूले विभिन्न छेत्रका दिग्गजहरू उपस्थितिमा नयाँ ग्यान प्राप्त गर्ने अवसार पाएको पनि बताए।
दिपकका अनुसार एनसेलले गरेको चारवटा सेमिनारहरूमा सहभागी नहुञ्जेल आफूहरूको ध्यान एप्स निर्माणमा मात्र रहेकोमा सेमिनारपछि भने एप्स निर्माण गर्दा ग्राहाक, बजार र बजारीकरणजस्ता कुराहरूको बारेमा पनि उत्तिकै जानकार रहनुपर्ने भन्ने बारेमा थुप्रै कुराहरु सिकेको बताए। यो यउटा ठूलो उप्लबधि रहेको उनको विश्वास छ।
उनीहरूले आफूहरूले बनाइरहेको एप्स बजारमा भएका अन्य एप्सहरूभन्दा पृथक रहेको पनि दाबी गरे। मनिषा र दिपकका अनुसार बजारमा भएका एप्सहरूको प्रकृति ‘म्यानुयल’ छन जसमा विधार्थी आफैले रुटिन इत्यादी हाल्नुपर्छ जून आफैमा झन्जटिलो छ। हाम्रोमा कलेजले सूचना एकपटक हालेपछि सबै विधार्थीले पाउँछन्।
प्रतितोगिता जित्ने सम्भावना कत्तिको छ त? ‘प्रतियोगिता जितियो भने राम्रो हो। हामी अहिले विधार्थी नै छौ र सिक्ने क्रममा नै छौ त्यसैले हामी प्रतियोगितामा जित्नेभन्दा पनि सिक्ने कुरामा आफूलाई केन्द्रित गराइरहेका छौँ। त्यसैले हामी जित्नैपर्छ भन्ने दवाब रहेर प्रतियोगितामा रहेका छैनौ। हामीले यस प्रतियोगितामा पाएको ‘एक्सपोजर’ नै हाम्रा लागि ठूलो हो।’
प्रकाशित मिति:
आइतबार, मंसिर १४, २०७१ १४:२३:४६
प्रतिकृया दिनुहोस