हाम्रो अर्को बजार भनेको 'इन्डिया' हो: चन्दन गुप्ता

• Get News Alerts

नेपाली बजारमा अनेकथरीका सामानहरू उपलब्ध छन तर ती वस्तुहरूले तीनका उत्पादकले दाबी गरेजस्तै सेवा र गुणस्तरीयता प्रदान गर्छन कि गर्दैनन भन्ने स्पष्ट सुचना पाउन भने कठिन छ। जसका कारण कुनै पनि सामान खरिद गरेर प्रयोग नगरून्जेल सामान कस्तो थाहा पाइदैन।

विदेशमा यसरी कुन सामान कस्तो हो, कुन सामानले बजारमा चर्चा कमाइरहेको छ भनेर जानकारी लिने ठाँउहरू छन। नेपाली बजारको यही कमीलाई सम्बोधन गर्न एनसेलको मोबाइल क्याम्पमा सेन्टिनेप समूहका उत्साही युवाहरूले 'वोपिनियो' नामक मोबाइल एप्सलाई प्रतिष्पर्दामा उतारे जसले कर्पोरेट सेक्टर विधामा जित हासिले गरेका छन। यो विजयबाट उत्साहित बनेको टोलीले जीतपछी आफूहरू थप उर्जाशील बनेको प्रतिक्रिया दिएका छन। यसै सन्दर्भमा 'ओपिनियो' समूहका लिडर चन्दन गुप्ताले आफ्ना कुराहरु यसरी राखे:

तपाईहरूको एप्सको कुन कुराले निर्णायकहरूलाई प्रभावित पार्यो जस्तो लाग्छ र तपाईहरू विजयी हुनु भयो?

मेरो विचारमा हाम्रो जस्तो एप्स नेपालमा आजसम्म बनेको छैन। अझै भनौ, यस्तो एप्स नै छैन। अनि अर्को कुरा भनेको यो एप्स नेपाली भाडामा पनो उपल्ब्ध हुनु हो। यीनै कुराले उहाँहरूलाई स्ट्राइक गरेको हुनुपर्छ। यसको आवश्यक्ता नेपाली बाजारमा धेरै पहिले नै देखिएको हो।

अनि आगामी योजना?

यसलाई नेपाली बजारमा बलियो पारेर हामी भारतमा पनि यसलाई प्रवेश गराउन चहान्छौ। तपाईले एक वर्ष भित्र भारतीय बजारमा पनि पाउनु हुने छ। अहिले भारतीय बजारमा हाम्रो प्रतिष्पर्दीका रूपमा 'सिम्लीफाइ ३६०' मात्र देखिएको छ।  हामीले 'ओपिनियो'लाई  भारतीय बजारमा एउटा सशक्त सेवाको रूपमा स्थापित गर्न टार्गेट राखेका छौ।

केही तत्कालिन योजनाहरू पनि होलान नि त?

आगामी दुई हप्ताभीत्र यो एप्सलाई एप स्टोर तथा गुगल प्ले स्टोरमा उपल्ब्ध गराउने छौ। यो बेसिक भर्सन निशुल्क रुपमा हुनेछ भने एकदेखी दुई महिना भित्र कर्पोरेट स्तरको प्रिमियम भर्सन निक्नेछौ।

विषयगत विजेता हुँदा कस्तो महशुस गरियो?

राम्रो प्लेटफर्ममा उपाधी जितेकाले खुशी लाग्यो। हाम्रो मिहेनतले राम्रो फल पायो र अगाडी बढ्नलाई थप हौसला प्राप्त भयो।

विजयी भएपछी केही फाइदाको पनि अनुभव गर्नुभयो?

यसको हामीलाई भएको एउटा मुख्य फाइदा भनेको आफ्नो सोच र कामलाई प्रस्तुत गर्ने राम्रो 'प्लेटफर्म' पाइयो। एकैपटक धेरैजनासम्म पुग्न पाइयो। हामीले यो काम एक्लै गरिरहेको भए मानिसहरूमा एपरोच गर्न जानुपर्थ्यो जून त्यति सजिलो छैन। यो प्रतियोगिताका कारण मानिसहरू नै हामीलाई 'एप्रोच' गर्न आइपुगे। यस्तै यस्तै फाइदा भयो, हामी थप उर्जाशील भएका छौ।

प्रतिकृया दिनुहोस